In Mutter's Stübele
Draußa im Wald
Draußa im Wald hot's a klois Schneele gschneit
Draußa im Wald drum isch's so kalt
Sommerzeug hie, Sommerzeug her,
kauf mir meiner Lebtag koi Sommerzeug mehr
Mi frierts an d'Händ weil i koi Händschua hau
Mi frierts an d'Händ und an d'Fiaß au
Sommerzeug hie....
D'Sonna isch dô, luag wia mei Kindle lacht,
D'Sonna isch dô, jetzt simmer froh...
Sommerzeug hie....
Was braucht mr im a Bauradorf
Was braucht mr im a Bauradorf, was braucht mr im a Dorf?
An Pfarrer, der brav singt, a Glocka, dia wohl klingt
An Messmer, der guat leuta ka, an Schulmoister, an glehrta Ma
Des braucht mr im a Bauradorf, des braucht mr im a Dorf
Was braucht mr im a Bauradorf, was braucht mr im a Dorf?
A Uhr, dia niemols stoht, a Zoiger, der reacht gôht
A liabes Mädle des treu isch, a Näherin, dia a Jungfer isch
Des braucht mr im a Bauradorf, des braucht mr im a Dorf
Was braucht mr im a Bauradorf, was braucht mr im a Dorf?
An Soiler, der it stiehlt, an Fuhrmann, der it schilt
A Wirtin, dia it trutzig isch, an Gockelhahn auf jedem Mist
Des braucht mr im a Bauradorf, des braucht mr im a Dorf
Was braucht mr im a Bauradorf, was braucht mr im a Dorf?
An Schneider, der it hinkt, an Schuster, der it stinkt
An Weber, der it grätig isch, an Bauer, der recht fleißig isch
Des braucht mr im a Bauradorf, des braucht mr im a Dorf
Was braucht mr im a Bauradorf, was braucht mr im a Dorf?
An Wirt, der it viel sauft, a Büeble, des it rauft
An Knecht, der it auf d'Gassa gôht, a Magd, dia it am Fenster stôht
Des braucht mr im a Bauradorf, des braucht mr im a Dorf
Was braucht mr im a Bauradorf, was braucht mr im a Dorf?
In dr Mitt an Lindabaum, und drum herum an Zaun
A Gatter des it sell zuamacht, an Tanzboda der it zammakracht
Des braucht mr im a Bauradorf, des braucht mr im a Dorf
D'Bäure hot d'Katz verlorn
D'Bäure hot d'Katz verlorn, woiß net wo's isch
Sie suacht alle Winkla aus, "Mulle Mulle wo bisch"
Im Höfle, im Gärtle, was jemmret se schwer
"Oh Mulle Mulle, liabs Mulle Mulle, so gang mr doch her!"
"I koch dir a Süpple, dua Brocka dran ei,
Oh Mulle Mulle, liabs Mulle Mulle, komm doch wieder hoi!"
Was fällt jetzt dr Bäure ganz siedighoiß ei?
Dô oba, aufm Boda, im Heu drin könnts sei!
Sie steiget herzklopfet am Loiterle nauf
Ka's fascht it vrschnaufa, macht's Falltürle auf
Guckt eini, guckt auße, jetzt horch wia se lacht:
"Potztaused, mei Mulle Mulle, a Schläfle hot's gmacht"
"Jetzt daß de hau gfunda bi i aber froh,
Oh Mulle Mulle, liabs Mulle Mulle jetzt bisch wieder dô"
Rutsch hie, rutsch her
Rutsch hie, rutsch her, mei Schatz i hon Di gar so gern
Rutsch hie, rutsch her, mei Schatz i hon Di gern
Gôhsch Du au it her zu mir, gang i au it na zu Dir
Gôhsch Du au it her zu mir, gang i it zu Dir
Rutsch hie, rutsch her, rutsch lustig in mei Feadrabett
Rutsch hie, rutsch her, rutsch lustig in mei Bett
Dô na, dô na rutsch i it, weil du hosch ja Flöh im Bett
Dô na, dô na rutsch i it, s"hot so viele Flöh
Dô na, dô na rutsch i it, weil du hosch a Katz im Bett
Dô na, dô na rutsch i it, noi i gang it mit..
Komm heit nacht
Wie komm i denn zur Haustür nei, sag Du, mei Schätzle, sag?
Druck d'Türschnall und ziah am Ring
No meint mei Mutter, s'sei dr Wind
Komm heit nacht wenns dunkel isch und alle Strôßa leer
Wie komm i an euerm Feuer vorbei, sag Du, mei Schätzle, sag?
Schütt a bissle Wasser nei,
No meint mei Mutter s'reagnet nei
Komm heit nacht wenns dunkel isch und alle Strôßa leer
Wie komm i an euerm Hund vorbei, sag Du, mei Schätzle, sag?
Geb eam halt a dicks Kotelett
Dann isch er ruhig und bellt au net
Komm heit nacht wenns dunkel isch und alle Strôßa leer
Wie komm i denn dia Treppa nauf, sag Du, mei Schätzle, sag?
Ziah Schuah aus und nimms in d'Hand
Und schleich di leis de Wand entlang
Komm heit nacht wenns dunkel isch und alle Strôßa leer
Wie find i denn Die Kammertür, sag Du, mei Schätzle, sag?
Horchsch an jeder Tür im Gang
Wo niemand schnarcht, dô klopfsch leis an...
Komm heit nacht wenns dunkel isch und alle Strôßa leer
A Baurabiable mag i it
A Baurabiable mag i it, des siaht mr mir wohl a
S"muß oinr sei gar hübsch und fein, derf koine Fehler hon
A Herrabiable muß des sei des koine Fehler hot
Aber Herrabiable gibs jo net dia koine Fehler hond
Drum bleib i ledig bis in Dod, dann hot dia Liab a End
Aber ledig bleiba dur i it, des siaht mr mir wohl a
Drei liadrige Strümpf
Drei liadrige Strümpf, zwoi dazua sind fünf
Mei Vater hot a Kartaspiel, sind nix als later Trümpf
Drei liadrige Strümpf, zwoi dazua sind fünf
Und wenn i oin verlier, dann hon i blos no vier
Drei liadrige Strümpf, zwoi dazua sind fünf
Und wenn i oin verschneid, dann hon i blos no drei
Drei liadrige Strümpf, zwoi dazua sind fünf
Und wenn i oin vernäh, dann hon i blos no zwee
Drei liadrige Strümpf, zwoi dazua sind fünf
Und wenn i oin dua opfere, dann hon i blos no a gotziga!
Oba am Hag
Dô isch a Goisbock im Stall, des hot dr Pfarrer it kränkt
Der hot nôch dr Mess a weng vom Messwein verschenkt
Und dr Bauer hot g'lachet und g'schmeckt hot"s eam au
Dr Pfarrer hot dr Deifl an Goisbock sei lau
Und dr Hägl hot g'scherret im Dreck mit seim Fuaß
Dr Bauer wankt hoimwärts, am Pfarrer an Gruaß
D'Nochbre verzählts eam am andera Dag:
"A Kreuz steckt im Boda, dô oba am Hag"
A Hägl hei g'scherrat und bös isch er gsi
Und blos weil dr Pfarrer mit seim Fläschle Wi
Koi End find'und ratschet und koinr gôht hoi
S'Veah und dr Goisbock dia lößt mr alloi
Jetzt moinat se alle a Wunder sei g'scheah
Und so ebbes hei mr gar nia no it gseah
S'isch glich, was Du vorbringsch, der Pfarrer seit: "So,
Dei Goisbock wird g'metzged", des hosch jetzt davo!
Neuschnee
Heut Nacht isch Neuschnee g'falla
Sìsch doch no gar koi Zeit
D'Kinder werfat Balla,
Dr Weg isch ganz verschneit
Mei Haus des hot koin Giebel
Es isch scho ziemlich alt
Zerbrocha sind dia Riegel
Im Stüble isch es kalt
Oh Schätzle, bleib heut bei mir
Weil i so elend bin
Nimm mi in Deine Arme
So gôht dr Winter hin...
Wasser Im Bach
Wasser im Bach
I bi mit de Henna wach
D´Zeit stôht it still
I ka dua was i will
D'Heisr so bunt
Luaget vom Bergle und
Dr Kaffee am Tisch
Isch nimme ganz frisch
Komm nimm mi in dr Arm
Z'Nacht isch es it so warm
I kauf Eis im Morgarot
Beim Bäcker a Brot
Dia Welt isch so kloi
Überrall bisch drhoi
Alle an Bord
Vrstandet koi Wort
A Vögele singt
Und in dr Ferne klingt
Glockaschlag hell
Und Hundegebell
Komm nimm mi in dr Arm
Z'Nacht isch es it so warm
I kauf Eis im Morgarot
Beim Bäcker a Brot
Wiedele Wedele
Wiedele Wedele, hinterm Städele hält dr Bettelmann Hochzeit
Er hot Stiefel a, isch heut a feiner Ma
Luag, wia sei Mädele lachet
Wiedele Wedele, hinterm Städele hält dr Bettelmann Hochzeit
Wiedele Wedele, hinterm Städele hält dr Bettelmann Hochzeit
Sie hot a neues Häs, Most hot's und Wurst und Käs
Alle, alle sind komma
Wiedele Wedele, hinterm Städele hält dr Bettelmann Hochzeit
Wiedele Wedele, hinterm Städele hält dr Bettelmann Hochzeit
Er nimmt se in dr Arm, küsst se und druckt se warm
Tanzt mit ihr bis zum Morga
Wiedele Wedele, hinterm Städele hält dr Bettelmann Hochzeit
Wiedele Wedele, hinterm Städele hält dr Bettelmann Hochzeit
Und dr Mond so rund, stôht am Himmel und
Scheint auf alle so freundlich
Wiedele Wedele, hinterm Städele hält dr Bettelmann Hochzeit
D"Stôra sind weg
Mei Schwester schält Äpfel, dr Kopf an dr Wand
Sie schwätzt vor sich na, schwätzt vom klara Vrstand
S'Gschirr in dr Kucha, des stôht kreuz und quer
Sie mag gar it aufstong, des fallt ihr so schwer
Oh Schätzele, Mädele, d'Stôra sind weg
Oh, Schätzele, Mädele, s'Boot hot a Leck
Oh, Schätzele, Mädle im Gärtle hot's Stoi
Oh Schätzele, Mädle, loß mi it alloi
Mei Bruadr isch ledig, doch des stört ean it
D'Mutter und d'Oma, dia nemmat ean mit
Beim laufa, dô klappt er sei Gosch auf und zua
Beim schlôfa und saufa dô will er sei Ruah
Oh Schätzele, Mädele, d'Stôra sind weg....
Eam Gette sei Fraule dia bindet mr a
Damit ihr dr Rollstuhl it abhaua ka
Mr schiabt se am liabsta ins Gärtle vor'm Haus
Dô kommt se ins Träuma und fast nimme raus
Oh Schätzele, Mädele, d'Stôra sind weg....
A toter Hägl stinkt links hinter'm Stall
Daneba hot's Kinder, dia spielat dô Ball
Dr Gette putzt Fässer, er isch ganz alloi
Er stôht auf dr Loitr, weil sonscht isch er z'kloi
Oh Schätzele, Mädele, d'Stôra sind weg....
Mei Kopf isch ganz hohl, dr Ton, der isch weg
Es prallt alles ab, es hot doch koin Zweck
I zünd in dr Kirch a klois Licht für di a
Kennt sei, daß des hilft und Du findesch an Ma....
Oh Schätzele, Mädele, d'Stôra sind weg....
Sepp, bleib no dô
Sepp, bleib no dô, Du woisch ja it wia s'Wetter wird
Sepp, bleib no dô, Du woisch ja it wia s'wird
Es ka wohl reagna, ka au schneia es ka aber au schee Wetter bleiba,
Sepp, bleib no dô, Du woisch ja it wia s'wird
Oi Gläsle Wein, des kasch dr jô no schmecka long
Oi Gläsle Wei, a Sepp des derf no sei
Es ka wohl reagna, ka au schneia es ka aber au schee Wetter bleiba,
Sepp, bleib no dô, Du woisch ja it wia s'wird
Aber der Wei, der steigt dem Sepp in'Kopf schnell nei
Aber der Wei, der macht den Sepp recht frech
Es ka wohl reagna, ka au schneia es ka aber au schee Wetter bleiba,
Sepp, bleib no dô, Du woisch ja it wia s'wird
Sepp, gang jetzt hoim, Du woisch ja it wia s'Wetter wird,
Sepp, gang jetzt hoim, Du woisch ja it wia s' wird
Sepp, gang jetzt hoim, Du woisch ja it wia s'Wetter wird,
Sepp, gang jetzt hoim, Du woisch ja it wia s' wird
Mei Schatz
Mei Schatz hot Gäns austrieba
Isch bei dr Nacht draußa blieba
Wenn i blos dia Gäns wieder hätt,
S'Schätzele brauchts net!
Den Schatz den i jetzt hab
Den sieh'n i alle Dag
Der mir mei Herz erfreut
Der isch so weit
Hoim sott i gau, dô soll i bleiba
Soll meim Schatz d'Zeit vertreiba
Hoim gang i it, dô bleib i net
Zeitvertreiba dur I net!
In Mutters Stübele
In Mutters Stübele, dô gôht dr hm-hm-hm
In Mutters Stübele, dô gôht dr Wind
I hon koi Hemmedle, und Du koi hm-hm-hm
I hon koi Hemmedle, und Du koi Strümpf
Du bisch mei Spielma und i Die hm-hm-hm
Du bisch mei Spielma und i die Tanzer
Du bisch a halber Narr, und i a hm-hm-hm
Du bisch a halber Narr, und i a ganzer
Du stôhschs vors Lädele und i vor hm-hm-hm
Du stôhschs vors Lädele und i vor d'Tür
Du kriagsch a Weckle und i a hm-hm-hm
Du kriagsch a Weckle und i a Bier
Du stecksch dr Speck in'Sack und i in hm-hm-hm
Du stecksch dr Speck in'Sack und i in Schrank
Du saisch vergelt's Gott und i sag hm-hm-hm
Du saisch vergelt's Gott und i sag Dank
|